Наадмаар 5 саяас дээш дүнтэй БАНК ХООРОНДЫН ГҮЙЛГЭЭГ зогсооно

Үндэсний их баяр наадмаар  орон даяар олон хоног амрах болсонтой холбоотойгоор банк хоорондын төлбөр тооцооны их дүнт төлбөрийн систем 2022 оны долоодугаар сарын 8-ны өдрийн 16:15 цагаас 2022 оны долоодугаар сарын 17-ны өдрийг дуусталх хугацаанд зогсох ажээ.

Тиймээс дээрх хугацаанд хийсэн 5 сая төгрөгөөс дээш буюу их дүнт банк хоорондын гүйлгээ долоодугаар сарын 18-ны 09:15 минутаас эхлэн дамжигдахыг банкууд харилцагч нартаа мэдэгдэж эхэллээ.

Харин банк хооронд бага буюу 5 сая төгрөгөөс доош дүнгээр, мөн банк дотор шилжүүлэх тохиолдолд төлбөр тооцоо хэвийн хийгдэх аж.