“МИАТ” ТӨХК компани Истанбул хотын чиглэлд шууд нислэг үйлдэж эхэллээ

Үндэсний агаарын тээвэрлэгч “МИАТ” ТӨХК-ийн Бүгд найрамдах Турк улсын Истанбул хотын чиглэлд үйлдэх хуваарьт шууд нислэгийн анхны нислэг 2022 оны дөрөвдүгээр сарын 6-ны өдөр 08:15 цагт Хөшигийн хөндий дэх “Чингис Хаан” ОУНБ-аас хөөрлөө.

“МИАТ” компани Европын чиглэлд нислэгийн сүлжээгээ өргөжүүлэх, зах зээлээ тэлэх зорилгоор БНТУ-ын Истанбул хотын чиглэлд үйлдэх шууд нислэгээ ийнхүү эхлүүллээ.

Истанбул хотын нислэг нь долоо хоног бүрийн Лхагва гаригт үйлдэгдэнэ.