By Узбекистаны нийслэл Ташкент хотод эхэлсэн боксын эрэгтэйчүүдийн дэлхийн аварга шалгаруулах тэмцээний хоёр дахь өдөр ОУХМ Баатарсүхийн Чинзориг эхний тулаанаа хийлээ.
Тэрээр Австралийн тамирчин Максимилиан МакКлериг гурван үед 5-0 харьцаагаар илүүрхэж ялсан байна.
Шүүгчдийн үнэлгээ:
| Шүүгч | Б.Чинзориг | Максимилиан МакКлери |
| Азербайжан | 30 | 27 |
| Марокко | 30 | 27 |
| Тунис | 30 | 26 |
| Молдав | 30 | 27 |
| Узбекистан | 30 | 27 |
Б.Чинзориг ДАШТ-ий хоёрдугаар шатанд Камеруны боксчинтой тавдугаар сарын 4-д улаан булангаас тулалдана.
ДАШТ-ийг Монголын шигшээ багийн 10 тамирчин зорьсноос одоогоор дөрөв нь эхний тулаанаа хийж хоёр нь дараагийн шатанд шалгараад байна. Өнөөдөр буюу тавдугаар сарын 3-д
- -60 кг жинд Тэгшжаргалын Энхтөр шигшээ 16-д шалгарахын төлөө Доминиканы тамирчинтай
- -71 кг жинд Отгонбаатарын Бямба-Эрдэнэ шигшээ 32-т шалгарахын төлөө Францын тамирчинтай тус тус тулалдана.
Т.Энхтөрийн хувьд тэмцээний эхний өдөр Палестины тамирчныг 5-0 харьцаагаар ялаад байсан юм.
Энэ мэдээнд таны өгөх хариулал
Зөв гоё
ХаХа
Гайхалтай
Харамсалтай
Буруу
