Гоо сайхны хэмжүүр нь цаг хугацаа өнгөрөх тусам өөрчлөгдөж байдаг. Жишээлбэл: XIX зууны үед цайвар арьстай, нарийн бэлхүүстэй, том нүдтэй бүсгүйчүүд үзэсгэлэнтэй бүсгүй нь тоонд багтдаг байсан бол XVII зууны үед нарийн хүзүүтэй, нарийн бэлхүүстэй бүсгүйчүүд эрчүүдийн харцыг булааж байсан гэнэ. Харин орчин үеийн эмэгтэйчүүд гоо сайхны хагалгаанд орохыг илүүд үздэг болсон бөгөөд ялангуяа уруулаа томруулах ихээхэн дуртай болжээ. Өнөөдрийн байдлаар зузаан уруултай, том нүдтэй бүсгүйчүүдийг үзэсгэлэнтэй хэмээн үзэх болсон аж. Ингээд хамгийн том уруултай алдартнуудтай танилцацгаая.
1.Юлия Волкова
Юлия Волкова өсвөр насанд байхдаа гоо сайхны хагалгаа гэж мэддэггүй байсан бөгөөд нэгэн ярилцлагын үеэр түүнээс “Та яагаад урууландаа силикон шахуулсан юм бэ” гэж асуухад тэр: “Найзуудтайгаа хамт туршилт хийхээр шийдсэн юм” гэж хариулсан байна. “Тату” хамтлагийн алдарт дуучин бүсгүй өөрийн урууланд сэтгэл хангалуун бус байгаа бололтой дахин хагалгаа хийхээр төлөвлөж байгаа гэнэ.
2.Линдси Лохан
Линдси Лохан “The Parent Trap”, “Georgia Rule”, “Freaky Friday” зэрэг киногоороо олонд танил болсон билээ. Тэрээр үргэлж ямар нэгэн таагүй, азгүй зүйлд орооцолддог гэхэд болно. Сайхан бүхэнд дуртай бүсгүй мэдээж, урууланд силикон шахуулах моодноос хоцроогүй хэдий ч үзэсгэлэнтэй залуу эмэгтэй болохын оронд “үзэсгэлэнтэй ахимаг насны эмэгтэй” болжээ. Гэтэл тэр одоо 35 нас л хүрч яваа юм.
3.Маша Малиновская
Маша Малиновская бол туршилт хийхээс огтхон ч айдаггүй бөгөөд гадаад төрхөндөө ихээхэн анхаарал хандуулдаг. Бүсгүйн уруул энэ олон жилийн хугацаанд хэд хэдэн удаа өөрчлөгдөж, тэр гоо сайхны хагалгааны бүхий л төрлийг өөр дээрээ туршсан болов уу. Машагийн залуугийн зураг болон одоогийн зургийг харахад тэс өөр хүмүүс мэт харагдаж байгаа биз. Силикон бүсгүйн уруулаар жигд тараагүй байсан учир тэр үүнийг өөрчлөхийн тулд багагүй цаг хугацаа, хөрөнгө мөнгө зарцуулсан аж.
4.Анжелина Жоли
Анжелина Жоли хүүхэд байхаасаа эхлэж үзэсгэлэнтэй байсан бөгөөд түүний уруул, том алаг нүд хүмүүсийн анхаарлыг маш ихээр татдаг байжээ. Өмнө дурдсан одуудаас ялгарах онцлог нь тэр урууландаа ямар нэгэн хагалгаа хийж, мэс хүргээгүй болно. Бүсгүйчүүд Жолигийн төрөлхийн гоо үзэсгэлэнд атаархдаг бол, залуучууд түүнийг өөрийн болгохыг хүсдэг.
5.Виктория Лопырева
Шоу ертөнцөд байх хугацаандаа Виктория Лопырева гадаад төрхөө ихээр өөрчилж байсан юм. Бусдын анхаарлыг татахын тулд тэрээр гоо сайхны хагалгаанд багагүй мөнгө зарцуулж, урууланд силикон шахуулах хагалгааг ч тойрч гараагүй байна. Азаар түүний уруулны хагалгаа амжилттай, яг л барби мэт төгс болсон.
6.Ким Кардашьян
Хүмүүс Кардашьяныг ориг уруултай эсэхэд одоог хүртэл эргэлздэг. Тэдний гэр бүл гоо сайхны хагалгаанд асар их хөрөнгө мөнгө зарцуулдаг болохыг дэлхий даяар мэднэ. Ким ямар нэгэн айдасгүйгээр өөр дээрээ багагүй туршилт хийж байсан бөгөөд туршилт бүхэн нь амжилттай болдог аж.
7.Ирина Шейк
36 настай модель бүсгүй болох Ирина Шейк төрөлхийн сайхан уруултай. Тиймээс ч энэ нь түүний давуу тал болдог бөгөөд бүсгүй уруулаа будахдаа төрөлхийн гоо үзэсгэлэнгээ тодотгож цайвар өнгөөр уруулаа буддаг. Хэдийгээр инээмсэглэх үед бүсгүйн дээд уруул төрөлхийн биш мэт харагддаг ч түүнийг хагалгаа хийсэн гэх нотлох баримт үгүй.
8.Скарлетт Йоханссон
Урууланд силикон шахуулах моод дэлгэрэхээс өмнө Скарлетт Йоханссоны уруулны талаар хүмүүс ярьж эхэлсэн байна. Бүсгүйг төрөлхийн зузаан сайхан уруултай болохыг түүний багын зургууд батлаж байгаа юм. “Dolce & Gabbana”-ийн сурталчилгаанд тоглосон жүжигчин бүсгүйг Мэрилин Монротой төстэй болохыг үзэгчид тодотгосон аж.
