Нийслэлийн Ардчилсан намын дарга Э.Бат-Үүл тэргүүтэй намын гишүүд “Монголоо Беларусь болгохгүй” цуглааныг энэ сарын 11-нд зохион байгуулсан.
Цуглааны үеэр Гавьяат жүжигчин Д.Сосорбарам руу “Дэлхийн Монгол ногоон нэгдэл” ТББ-ын тэргүүн Х.Бээжин нар гурил цацсан тул тэднийг Чингэлтэй дүүргийн цагдаагийн нэгдүгээр хэлтэст шалгаж байгаа аж.
Сошиал орчинд гурил биш, шавьжны хор байсан, шившлэгтэй гурил байсан гэх мэт мэдээллүүд хөвөрсөөр байна.
Харин Х.Бээжин өөрийн цахим хуудсаар дамжуулан “Тэр гурилыг эхнэр бэлдэж өгсөн. “Алтан тариа”-н гурил байсан. Хүний эрх, эрх чөлөөгөө эдэлсэн” гэх мэт агуулгатай постуудыг оруулжээ.
