Өнөөдөр ОХУ-ын Шатрын холбооны Гүйцэтгэх зөвлөлийн хурал боллоо. Хурлаар Азийн Шатрын холбоонд элсэх саналыг хэлэлцэж, санал нэгтэй дэмжсэн байна.
Олон улсын шатрын холбооноос ОХУ, Беларусын шатарчдыг тэмцээн, уралдаанд орохыг хориглосон байгаа.
.jpg)
ОХУ-ын Шатрын холбооны Гүйцэтгэх зөвлөлийн гишүүн Альберт Степанян Матч ТВ-д ярилцлага өгөхдөө “Удахгүй хууль зүйн асуудлуудаа цэгцэлнэ. Эхлээд Европын Шатрын холбооноос гарах хүсэлт илгээнэ. Албан ёсоор гарсан хойно Азийн Шатрын холбоонд элсэх өргөдөл бичих юм. Хэзээ элсэх нь тодорхойгүй ч Азийн холбооны тэмцээн, уралдааны хуваарьтай дотоод тэмцээнээ зохицуулах ажил хийж эхлээд байна” гэж мэдэгдлээ.
