НЗДТГ-ын Нийгмийн бодлогын хэлтэс, Нийслэлийн Гэр бүл, хүүхэд, залуучуудын хөгжлийн газар, Эрүүл мэндийн газар, “Бяцхан тэмүүлэл” хүүхдийн сэргээн засах төв хамтран АШУҮИС-ийн I-VI дамжааны 50 оюутныг эрүүл мэндийн сайн дурын ажилтнаар бэлтгэх хөтөлбөрт хамруулж, батламж гардууллаа.
Хөтөлбөрийн хүрээнд Баянзүрх дүүргийн 28 хорооны өрхийн эрүүл мэндийн төвүүдтэй хамтран 0-16 насны хөгжлийн бэрхшээлтэй болон чадвар алдалттай 1137 хүүхдийн судалгааг нэгтгэж, 983 хүүхдэд нийслэлийн “Бяцхан тэмүүлэл” хүүхдийн сэргээн засах төвөөс эрүүл мэндийн тусламж үйлчилгээ үзүүлэн, 2000 гаруй иргэнд эрүүл мэндийн боловсрол олгожээ.
