Монгол орны нийт нутгаар ургамлын гаралт хэр байгааг Цаг уурын байгууллагаас мэдээллээ.
Тус байгууллагын мэдээлснээр, тавдугаар сарын 20-ны байдлаар нийт нутгийн 10 орчим хувьд бэлчээрийн ургамал цухуйгаагүй байна.
Баян-Өлгий, Говь-Алтай, Завхан, Баянхонгор, Архангай, Өвөрхангай, Дундговь, Өмнөговь, Сүхбаатарын ихэнх, Увс, Ховд, Хөвсгөл, Төв, Дорноговийн зарим сумдын нутгаар муу буюу ургамал цухуйсан боловч мал бэлчээх боломжгүй.
Харин Орхоны нийт, Увс, Булган, Сэлэнгийн ихэнх, Ховд, Говь-Алтай, Завхан, Архангай, Хөвсгөл, Төв, Өмнөговь, Сүхбаатарын зарим, Дорноговь, Хэнтийн ганц нэг сумдын нутгаар ургамлын гаралт дунд зэргийн бол Дархан-Уул, Дорнодын нийт, Хэнтийн ихэнх, Увс, Хөвсгөл, Сэлэнгэ, Төвийн зарим, Булган, Өмнөговь, Сүхбаатарын ганц нэг сумдын нутгаар хэвийн байгаа аж.
Өнгөрсөн шөнө Дундговь аймгийн нийт сумдаар 0.5-9мм, Өмнөговь аймгийн сумдаар 0.5-8мм, Дорноговь аймгийн зарим сумдаар 0.7-4мм, Өвөрхангай аймгийн нийт нутгаар 3-27 мм бороо оржээ. Үүнээс Өвөрхангайн Баруунбаян-Улаан сумын нутгаар 25 мм, Бат-Өлзий суманд 27 мм, Баянхонгорын Жинст суманд 34 мм буюу хамгийн их бороо орсон байна.
Цаг улирлын тооны бичигт тавдугаар сарын 20-нд зуны тэргүүн сар гарсныг тэмдэглэжээ.
Эх сурвалж: ЦУОШГ
