Бүгд Найрамдах Казахстан Улсад бакалавр, магистр, докторын хөтөлбөрт суралцуулах тэтгэлэгт хөтөлбөр зарлагджээ.
Хөтөлбөрийн бүртгэл энэ сарын 18-ны 23:59 цагт дуусах юм байна.
Тавигдах шаардлага
- Ерөнхий боловсролын сургуулийн 12 дугаар ангид суралцдаг Монгол Улсын иргэн (2022-2023 оны хичээлийн жилд суралцаж буй хугацааны дүнгийн хуулбар 85+);
- Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид суралцагч Монгол Улсын иргэн (голч дүн 3.2 ба түүнээс дээш голч дүнтэй);
- Магистрын хөтөлбөрт суралцах хүсэлт гаргагч нь бакалаврын зэрэгтэй Монгол Улсын иргэн (голч дүн 3.2 ба түүнээс дээш, 2-оос доошгүй жил ажилласан ажлын туршлагатай, 35 хүртэлх насны);
- Англи эсвэл Орос хэлний B2 түвшний мэдлэгтэй;
- Өөр улсын Засгийн газрын тэтгэлэгт хамрагдаагүй байх;
Суралцах мэргэжлийн чиглэл:
- Барилга, хот байгуулалт
- Зам тээвэр
- Уул уурхай, олборлолт
- Эрчим хүч
- Цахим хөгжил, мэдээлэл технологи
- Хүнс, хөдөө аж ахуй, хөнгөн үйлдвэрийн салбарт шаардлагатай инженер, технологи
- Боловсрол судлал
- Багш /Тусгай хэрэгцээт боловсрол/
- Боловсролын сэтгэл судлал
- Олон улсын харилцаа
Бүртгэл
Бүртгэл 2023 оны дөрөвдүгээр сарын 18-ны өдрийн 23:59 минут хүртэл цахимаар явагдана.
https://scholarship.esis.edu.mn/ холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөх, илгээх гарын авлагатай танилцан, өргөдлийг бөглөж илгээнэ. Өргөдөлд дурдсан дараах баримт бичиг тус бүрийг PDF /1 файлын хэмжээ 5Mb-аас ихгүй байх/ хэлбэрээр “баримт бичиг” хэсэгт хавсаргана.
Цахим бүртгэлийн системд байршуулах баримт бичиг:
Бакалаврын сургалтад бүртгүүлэх иргэд
- Анги удирдсан багш эсвэл сургуулийн тодорхойлолт;
- Бүрэн дунд боловсролын үнэмлэхний хуулбар, дүнгийн жагсаалтын хамт (Боловсролын баримт бичиг гадаад хэлээр бол монгол хэл рүү хөрвүүлсэн албан ёсны орчуулгыг хавсаргах);
- 12 дугаар ангийн сурагч бол 2022-2023 оны хичээлийн жилийн эхний хагас жилийн дүнгийн тодорхойлолт
- Сүүлийн семестрийн дүнгийн тодорхойлолт (Монгол Улсын магадлан итгэмжлэгдсэн их, дээд сургууль, коллежийн 1,2 дугаар ангид суралцаж буй иргэнд хамаарна.)
- Бүгд Найрамдах Казахстан Улсад Засгийн газрын тэтгэлгээр суралцах хүсэлтэй байгааг илэрхийлсэн эсээ /Англи эсвэл Орос хэл дээр 500 үгээс доошгүй байх, Монгол орчуулгыг хавсаргах/
- Иргэний үнэмлэхийн хуулбар;
- Гадаад паспорт;
- Англи хэл эсвэл Орос хэлний B2 түвшний мэдлэгтэй болохыг батлах нотолгоо
- Цагдаагийн тодорхойлолт /E-Mongolia-с татаж авах боломжтой./
- Өргөдлийн маягт /Англи эсвэл Орос хэл дээр бөглөнө./
Магистр, докторын сургалтад бүртгүүлэх иргэд
- Тодорхойлох захидал /Багш-1, ажлын газар-1/;
- Бакалавр, магистрын түвшний Дээд боловсролын сургалтын байгууллагын дипломын тодорхойлолт /E-Mongolia-с татаж авсан байх/. Хэрвээ гадаадад төгссөн бол дипломын хуулбар, баталгаат орчуулга;
- Англи хэл эсвэл Орос хэлний B2 түвшний мэдлэгтэй болохыг батлах нотолгоо;
- Бүгд Найрамдах Казахстан Улсад Засгийн газрын тэтгэлгээр суралцах хүсэлтэй байгааг илэрхийлсэн эссэ, суралцах хөтөлбөр, төлөвлөгөө /Англи эсвэл Орос хэл дээр 600 үгээс цөөнгүй байх, Монгол орчуулгыг хавсаргах/;
- Эрдэм шинжилгээний бүтээлийн жагсаалт (Докторын сургалтад өргөдөл гаргах иргэд заавал хавсаргах.)
- Иргэний үнэмлэхийн хуулбар;
- Гадаад паспорт;
- Цагдаагийн тодорхойлолт /E-Mongolia-с татаж авах боломжтой./
- Өргөдлийн маягт /Англи эсвэл Орос хэл дээр бөглөнө./
Эх сурвалж: БШУЯ
