add_action('wp_head', function(){echo '';}, 1); Ерөнхийлөгч У.Хүрэлсүх зарлиг гарган 11 шүүгчийг томиллоо

Ерөнхийлөгч У.Хүрэлсүх зарлиг гарган 11 шүүгчийг томиллоо

2023-03-02 232 0

Ерөнхийлөгч У.Хүрэлсүх 2023 оны хоёрдугаар сарын 17-ны өдөр зарлиг гарган  дараах нэр бүхий 11 хуульчийг анхан болон давж заалдах шатны шүүхийн шүүгчээр томиллоо. Шинээр томилогдсон шүүгч нар тангаргаа өргөн, ажлаа хүлээн авч байна.

Шүүхийн ерөнхий зөвлөл анхан болон давж заалдах шатны шүүхийн нийт 34 сул орон тоог нөхөх сонгон шалгаруулалтад бүртгүүлэх материалыг 2022 оны 11 дүгээр сарын 7-ны өдрөөс хүлээн авч эхэлсэн.

Улмаар сонгон шалгаруулалтыг зохион байгуулж, нөөцөд бүртгэлтэй бөгөөд сонгон шалгаруулалтын оноогоороо тухайн орон тоонд нэгдүгээрт эрэмбэлэгдсэн 15 нэр дэвшигчийг хуулийн дагуу шүүгчээр томилуулах саналаа Ерөнхийлөгчид 2023 оны 02 сарын 02-ны өдөр хүргүүлээд байсан юм. Үүнээс дээрх 11 хуульчийг Монгол Улсын Ерөнхийлөгч бүрэн эрхийнхээ хүрээнд, хуулийн хугацаандаа шүүгчээр томиллоо.

Шүүхийн ерөнхий зөвлөлөөс Монгол Улсын шүүхийн тухай хуулийн дагуу бүх шатны шүүхүүдийн шүүгчийн сул орон тоог нөхөх сонгон шалгаруулалтыг ийнхүү тасралтгүй зохион байгуулж байна.

Шүүхийн тухай хууль
35.1.Ерөнхий зөвлөл энэ хуулийн 34.8-д заасан эрэмбийн дагуу нийтэд мэдээлснээс хойш ажлын таван өдрийн дотор зарлагдсан орон тоогоор анхан болон давж заалдах шатны шүүхийн шүүгчид нэр дэвшигчийг шүүгчээр томилуулах саналыг, Улсын дээд шүүхийн шүүгчид нэр дэвшигчийг Улсын Их Хуралд танилцуулснаар томилуулах саналыг Ерөнхийлөгчид хүргүүлнэ.
Монгол Улсын Үндсэн хууль
51.2.Шүүхийн ерөнхий зөвлөлөөс Улсын дээд шүүхийн шүүгчдийг Улсын Их Хуралд танилцуулснаар, бусад шүүхийн шүүгчдийг Шүүхийн ерөнхий зөвлөлийн санал болгосноор тус тус Ерөнхийлөгч томилно.
Монгол Улсын Ерөнхийлөгчийн тухай хууль
12 дугаар зүйл.Төрийн байгуулал, улс орны удирдлагын талаарх Ерөнхийлөгчийн бүрэн эрх: 16.Бүх шатны шүүгчийг хуульд заасны дагуу томилно.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн

Холбоотой мэдээ

“Бүргэдийн баяр-2025” ирэх сарын 8, 9-ний өдрүүдэд Чингис хааны хүрээ цогцолборт болно

Нөөцийн махны худалдааг энэ сарын 27-ны өдрийг дуустал 18 байршилд зохион байгуулж байна

БНСУ-д онгоц осолдсоны улмаас хаагдсан “Муан” нисэх буудлын үйл ажиллагааг сэргээжээ.

Nuluu.мн

  • Улаанбаатар хот, Баянзүрх дүүрэг, Энхтайваны өргөн чөлөө, Миллениум плаза

Copyright © 2022 nuluu.mn - Зохиогчийн эрх хуулиар хамгаалагдсан.

`