add_action('wp_head', function(){echo '';}, 1); Гэрийн тэжээвэр амьтнаа хаяж, төөрүүлбэл хуулийн хариуцлага хүлээнэ.

Гэрийн тэжээвэр амьтнаа хаяж, төөрүүлбэл хуулийн хариуцлага хүлээнэ.

2024-04-10 109 0

Гэрийн тэжээвэр амьтнаа байнга уявал амьтны эсрэг хүчирхийлэл гэж авч үзнэ. 

Иргэн цахим хуудсанд “Нохой бол хамгаалалтын компани биш” гэх агуулгатай бичлэг нийтэлсэн. Уг бичлэгт нохойг хөдөлгөөн хязгаарлагдмал байдлаар уясан байв. Энэ дагуу амьтанд хайртай хүмүүсийн нэгдэл “Азтай савар” ТББ-аас арга хэмжээ авч, нохойг суллуулжээ.

Нохой, муур зэрэг гэрийн тэжээвэр амьтантай зүй бус харьцсан тохиолдолд Зөрчлийн тухай хуулиар хариуцлага хүлээдэг болсон.

Тодруулбал, Гэрийн тэжээвэр амьтны тухай хуулийг 2023 оны 12 дугаар сарын 8-нд баталсан. Улмаар энэ оны нэгдүгээр сарын 1-нээс дагаж мөрдөж эхэлсэн билээ. Энэ хууль нь 9 бүлэг 41 зүйлтэй бөгөөд энэ хуулиар гэрийн тэжээвэр амьтан буюу нохой, муур, тэдгээртэй адилтгах бусад амьтантай холбогдох харилцааг зохицуулна.

Гэрийн тэжээвэр амьтны тухай хууль батлагдсанаар гэрийн тэжээвэр амьтны асран хамгаалагчийн үүрэг хариуцлага нэмэгдэж, нийтийн эрүүл мэнд, иргэдийн аюулгүй байдал хамгаалагдахаас гадна нохой, муурын хяналтгүй үржүүлэг багасаж, эзэнгүй амьтны тоо толгой буурах, нохой, мууртай харгис хэрцгий хандсан тохиолдолд холбогдох хууль тогтоомжийн дагуу хариуцлага хүлээлгэдэг болох эрх зүйн орчин бүрдсэн.

Тухайлбал, энэ хуулийн 36 дугаар зүйл. Гэрийн тэжээвэр амьтныг хүчирхийллээс хамгаалах
36.2.1.алах;
36.2.2.асран хамгаалагч, түр харагч гэрийн тэжээвэр амьтныг санаатайгаар хаях, төөрүүлэх;
36.2.4.зодох, тамлах, хэт ачаалуулах;
36.2.5.хэсгийн болон бүтэн мэдээ алдуулах эм, эмнэлгийн хэрэгсэл хэрэглэхгүйгээр мэс ажилбар хийх;
36.2.6.хараа хяналтгүй орхих, өлсгөх, харангадуулсны улмаас үхэлд хүргэх;
36.2.7.гэрийн тэжээвэр амьтныг зодолдуулах, өгөөш, бай болгох, хүчирхийллийн шинжтэй тэмцээн, уралдаан, арга хэмжээ зохион байгуулах, оролцуулах;
36.2.9.нохой, муурыг байнга уях, хөдөлгөөн хязгаарласан орчинд хорих;
36.2.10.биеийн хэмжээ илт зөрүүтэй гэрийн тэжээвэр амьтдыг хооронд нь нийлүүлэх, эсхүл аль нэг гэрийн тэжээвэр амьтны эрүүл мэндэд хохирол учирч болохуйц нийлүүлгийг санаатайгаар хийх;
36.2.12.гэрийн тэжээвэр амьтан ашиглан бэлгийн дур хүслээ ёс бусаар хангах;
36.2.13.гэрийн тэжээвэр амьтанд мансууруулах бодис, сэтгэцэд нөлөөлөх эм бэлдмэл, согтууруулах ундаа хэрэглүүлэхийг хориглоно гэж заасан байна.
Хэрэв энэ хуулийг зөрчвөл Зөрчлийн тухай хуульд заасан хариуцлага хүлээлгэнэ
.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн

Холбоотой мэдээ

Цагаан сарын амралтыг сунгах эсэхийг маргааш хэлэлцэнэ

2025 онд болох цахим спортын тэмцээнүүдийн хуваарийг хүргэж байна.

Эзэмшил газраа зориулалтын дагуу 26 жил ашиглаагүй “Меридиан” ХХК-ийн газар эзэмших эрхийг цуцаллаа

Nuluu.мн

  • Улаанбаатар хот, Баянзүрх дүүрэг, Энхтайваны өргөн чөлөө, Миллениум плаза

Copyright © 2022 nuluu.mn - Зохиогчийн эрх хуулиар хамгаалагдсан.

`